NEIKER-Tecnaliak Alemaniako bioekonomia klusterra bisitatu du

Mundu mailako erreferentziazko zentroa da elikadurarako ez den biomasaren aprobetxamendu material eta energetikoaren arloan

NEIKER-Tecnalia Nekazaritza Ikerketa eta Garapenerako Euskal Erakundeko eta Baskegur-Euskadiko Egurraren Elkarteko ordezkariak Alemaniako Saxonia eskualderaino joan dira, lehen eskutik ezagutzeko Alemaniako bioekonomiako klusterraren jarduera eta funtzionamendua, eta EAEn antzeko gune bat jartzeko aukera aztertzeko.

Bisita hau Eusko Jaurlaritzak Euskadin sustatu nahi duen, Euskadin gauzatzeko baso-bioekonomia estrategiaren barruan kokatzen da eta, bisitan zehar, Alemaniako klusterraren estrategia eta bioekonomiak eskaintzen dituen aukerak ezagutzeko gai izan dira.

Erakundeak zortzi urte baino gehiago ditu, eta basoetako biomasa industrialki nola erabili aztertzen ari da, produktu berriak eta negozio eta enplegu aukerak sortzeko, industriaren eskaera errealetan oinarrituta, batez ere egur, energia, kimika, plastiko eta automobilgintzaren sektoreetan.

Elkarteak  50 enpresa eta erakunde teknologiko publiko eta pribatu baino gehiagotako ikertzaileek osatzen dute, eta Alemaniako Hezkuntza eta Ikerketa Ministerio Federalaren babesa dauka.